XX. mendeko Euskararen Corpus estatistikoa
Testuingurua
Hainbat koloretako dozenaka pita eta hariz gaizki adabakitua zegoen nonahi.
Koltxoi gainean eta lurrean barreiaturiko zopa-poto anitzen etiketatan hondartza zoragarri baten argazkia azaltzen zen:
Paradisuak lurrean duen bikia omen zen Kaimanen Uhartea.
Koltxoia bera ere mundumapa erraldoia zen, beharbada.
Eta mundumapa hark ere izango zuen bere Kaimanen Uhartea.
Mantxa haietakoren batek izan behar zuen.
Koltxoiaren inguruan garatzen ziren etxe hartako ekintza guztiak.
Sekula garbitua izan ez zen koltxoieko mantxa bakoitzak zuen bere esanahia eta istorioa: mundumapa batean marraztutako herrialde bakoitzaren izenak eta koloreak bertan agintzen duen diktadoreari buruzko datuak ematen dizkiguten bezalatsu.
Txapa kizkurtuz egindako karabana hartan bizi ziren aita-semeak, eta uralita berdearen babesa izanagatik ere, itoginak zituen han-hemen teilatuak.
Karabanako ateak, griki-graka jasanezin bat egiten zuen, ireki ezin diren artazi herdoilduen zarataren antzekoa.
Auzo txiro batean bizi ziren
Jada esana geratu den bezala, eta harrigarria dirudien arren, (...)